என்னவாக இருக்கும்?

யோசித்து வையுங்கள்,நாளை பார்க்கலாம்.

   

 

purple,pink,red எல்லாமும் கலந்த வித்தியாசமான ஒரு நிறத்தில் வெண்டைக்காயைப் பார்த்ததும் ப்ளாக்கில் போட்டால் எல்லோரும் ‘வாவ்’ சொல்லுவீங்கன்னு நெனச்சித்தான் படத்தைப் போட்டேன்.இந்தக் காயை  ஏற்கனவே எல்லோரும் பார்த்துவிட்டீர்கள் என்றதும் கொஞ்சம் ஏமாற்றமாக இருந்தது.

இதை வைத்து ஒருசில சமையல்கள் செய்தாச்சு.பதிவுகளும் இங்கேயுள்ளன.இப்போது எளிதில் செய்யக்கூடிய பச்சடியைப் பார்க்கலாம்.

வெண்டைக்காய் தயிர் பச்சடி

தேவையானவை:

வெண்டைக்காய்_சுமார் 10
பச்சைமிளகாய்_1
தயிர்_1/2 கப்
உப்பு_சிறிது

தாளிக்க:

எண்ணெய்,கடுகு

செய்முறை:

வெண்டைக்காயை மெல்லிய வில்லைகளாக்கவும்.பச்சைமிளகாயை விருப்பத்திற்கேற்ப அரிந்து வைக்கவும்.ஒரு வாணலில் சிறிது எண்ணெய் விட்டு கடுகு தாளித்து பச்சைமிளகாய்,வெண்டைக்காய் இரண்டையும் சிறிது உப்பு தூவி,வதக்கி, தயிரில் சேர்க்கவும்.

வெண்டைக்காய் பச்சடி என்றாலே சாப்பிடும்போது புதிதாக செய்தால்தான் நன்றாக இருக்கும்.முன்னமே செய்து வைத்தால் சாப்பிடும்போது கொஞ்சம் கொழகொழப்பு தெரியும்.

முதலில் தயிரை தாளித்து வைத்துக்கொண்டு சாப்பிடப்போகும்போது வெண்டைக்காயை வதக்கியும் சேர்க்கலாம்.

வெண்டைக்காயை அதன் கொழகொழப்பினால் குழந்தைகள் சாப்பிட மறுப்பார்கள். அவர்களுக்கு படத்திலுள்ளதுபோல் நறுக்கிக் கொடுத்தால் விரும்பி சாப்பிடுவார்கள்..வழவழப்பும் தெரியாது.

Advertisements