மாங்காய் இனிப்பு பச்சடி / Mango sweet pachadi

mango pachadi

இனிப்பு,காரம்,புளிப்புடன் பச்சைப் பயறும் சேர்ந்திருப்பதால் இந்தப் பச்சடியின் சுவை சூப்பராக இருக்கும்.ஒரு தடவை செய்துதான் பார்ப்போமே!

mango

இங்கு எப்போதும் பழ மாங்காய் மாதிரியேதான் கிடைக்கும். ஒருசில சமய‌ங்களில் மட்டும் நம்ம ஊரில் உள்ளது மாதிரி நல்ல காய் மாங்காவாகக் கிடைக்கும். இவை சாம்பார், fish & dry fish குழம்பு, பச்சடி போன்றவை செய்ய நன்றாக இருக்கும். இப்போது இந்த மாங்காய்கள் வந்துகொண்டிருப்பதால் காற்றுள்ளபோதே தூற்றிக்கொள்வோமே !!

தேவையானவை:

மாங்காய்_ 1
பச்சைப் பயறு_ 1/4 கப்
பெருங்காயம்_துளிக்கும் குறைவாக‌
வெல்லம்_ ஒரு கப்
மிளகாய்த்தூள்_ஒரு டீஸ்பூன்
மஞ்சள்தூள்_துளியளவு
உப்பு_துளியளவு

தாளிக்க:

எண்ணெய்
கடுகு
உளுந்து

செய்முறை:

மாங்காயைக் கழுவிவிட்டு சிறுசிறு துண்டுகளாக்கிக் கொள்ள‌வும்.

ஒரு பாத்திரத்தில் பச்சைபயறுடன் மஞ்சள்தூள்,பெருங்காயம் சேர்த்து பயறு வேகுமளவு தண்ணீர் ஊற்றி குழையாமல், மலர வேக வைக்கவும்.

பயறு வெந்ததும் அதில் மாங்காய் துண்டுகள்,மிளகாய்த்தூள்,உப்பு சேர்த்து கிண்டிவிட்டு மாங்காய் வேகும்வரை அடுப்பில் வைத்திருக்கவும்.

ஒரு பாத்திரத்தில் வெல்லத்தைப் பொடித்துப்போட்டு அது கரையும் அளவு தண்ணீர் விட்டு சூடுபடுத்தவும்.

வெல்லம் கரைந்து கொதிக்க ஆரம்பித்ததும் தூசு,மண் இல்லாமல் வடிகட்டி வெந்த மாங்காய் பருப்புடன் சேர்த்துக் கிண்டிவிட்டு எல்லாம் சேர்ந்து இரண்டு கொதி கொதித்ததும் இறக்கி, கடுகு,உளுந்து தாளித்துக்கொட்டி கிளறி விடவும்.

 

mango pachadi

 
இப்போது இனிப்பு,புளிப்பு, காரம் கல‌ந்த மாங்காய் பச்சடி சாப்பிடத் தயார்.

 

Advertisements

பீனட் பட்டர் குக்கீஸ் / Peanut butter cookies

cookie

இன்னும் பட்டர்,சர்க்கரை சேர்க்க விரும்பினால் நீண்ட‌ புள்ளிகளுக்கு அப்பாலுள்ள அளவின்படி சேர்க்கலாம்.

தேவையானவை:

மைதா _ 2 கப்
பேகிங் சோடா / Baking soda _ 1/2 டீஸ்பூன்
உப்பு _ 1/4  டீஸ்பூன்

பட்டர் / Unsalted butter _ 1/2 கப் …… ………………………………………..( 3/4 கப்)
ப்ரௌன் சுகர் / Brown sugar _ 1/2 கப்
சர்க்கரை_1/4 கப்……………………………………………………………………. (1/2 கப்)
பீனட் பட்டர் / Crunchy Peanut butter _ 1/2 கப் ……………………………(3/4 கப்)
முட்டை_1
வென்னிலா எக்ஸ்ராக்ட் / Pure vanilla extract _  ஒரு டீஸ்பூன்

செய்முறை:

முதலில் மைதா,பேகிங் சோடா,உப்பு இவற்றை ஒன்றாகக் கலந்து ஒன்றுக்கு இரண்டு தடவை சலித்துக்கொள்ளவும். அப்போதுதான் பேகிங்சோடா மாவுடன் நன்றாகக் கலந்துகொள்ளும்.

ஒரு பெரிய பௌளில் பட்டரை எடுத்துக்கொண்டு விஸ்க்கால் மென்மையாகும்வரை கலக்கவும்.

அடுத்து இரண்டு விதமான‌ சர்க்கரையையும் சேர்த்து நன்கு கலக்கவும்.

இவை நன்றாகக் கலந்ததும் பீனட் பட்டரை சேர்த்து கலக்கவும்.

பிறகு முட்டை,வென்னிலா எக்ஸ்ராக்ட் சேர்த்து நன்கு கலக்கவும்.

கடைசியாக‌ மைதா கலவையை சேர்த்து நன்றாகக் கலந்து மூடி ஒரு 1/2 மணி நேரம் ஃப்ரிட்ஜில் வைக்கவும்.

ஓவனை 350 டிகிரிக்கு முற்சூடு செய்யவும்.

cookie

ஒரு baking sheet ல் parchment paperஐ  போட்டு மாவில் இருந்து சிறுசிறு உருண்டை அளவிற்கு எடுத்து மென்மையாக உருட்டி படத்தில் உள்ளதுபோல் போதுமான இடைவெளி விட்டு அடுக்கவும்.

ஒரு ஃபோர்க் ஸ்பூனில் சர்க்கரையைத் தொட்டு ஒவ்வொரு உருண்டையின் மீதும் வைத்து லேஸாக அழுத்திவிடவும்.

இதனை முற்சூடு செய்யப்பட்ட ஓவனில் 10 லிருந்து 15 நிமிடங்களுக்கு அல்லது குக்கியின் ஓரங்கள் லேஸாக சிவந்து வரும்வரை பேக் செய்து எடுத்து ஆறவிடவும்.

cookiecookie

இப்போது சுவையான,மொறுமொறுப்பான,இன்னும் என்னல்லாம் பில்டப் கொடுக்க‌லாம்!!,ம்ம்ம்…கரகரப்பான,க்ரன்சியான‌  பீனட்பட்டர் குக்கிகள் தயார்.

ஓட்ஸ் குக்கீஸ் / Oats cookies

oats cookie

இதுநாள் வரை கடையிலிருந்து வாங்கும் ‘ரெடிமேட் மிக்ஸ்’களைப் பயன்படுத்தியே கேக்,குக்கீஸ் செய்வேன்.

இந்த முறை இங்கும் அங்கும் தேடியலைந்து  ஓட்ஸ் குக்கி செய்தேன்,சூப்பராக வந்தது.

ஓட்ஸை அப்படியே போட்டு செய்ததே வாசனையுடன் சுவையாக‌ வரும்போது,வறுத்துப் பொடித்து செய்தால் என்ன எனத் தோன்றுகிற‌து.மேலும் வெண்ணெய்,சர்க்கரையின் அளவுகளைக் கொஞ்சம் குறைத்து செய்து பதிவிடுகிறேன்.

என்னிடம் electric mixer இல்லை என்பதால் whisk & கையைப் பயன்படுத்திக்கொண்டேன்.

சேர்க்க வேண்டிய பொருள்களை தனித்தனியாக கோடு போட்டுள்ளேன். அதன்படி பிரித்து வைத்துக்கொண்டால் சேர்க்க எளிதாக இருக்கும்.

தேவையானவை:

மைதா_3/4 கப்
பேகிங் சோடா_1/2 டீஸ்பூன்
உப்பு_1/2 டீஸ்பூன்
______  _  _  _  _________
வெண்ணெய்/Unsalted butter_1/2 கப்
ப்ரௌன் சுகர்/Brown sugar_3/4  கப் (ப்ரௌன் சுகர் கைவசம் இல்லாததால் raw cane sugar சேர்த்திருக்கிறேன்.)
____________  _  _  _  ___________
முட்டை_1
Pure vanilla extract_ஒரு டீஸ்பூன்
_________________  _  _  _   _____________________
ஓட்ஸ்_3 கப்
விருப்பமான நட்ஸ்/Nuts_ஒரு கை
விருப்பமான ட்ரை ஃப்ரூட்ஸ்/Dry fruits_ஒரு கை
சாக்லெட் சிப்ஸ்/Chocolate chips_ஒரு கை

நான் ஓட்ஸுடன் உலர் திராட்சையும்,’சாக்லெட் சிப்’பும் சேர்த்திருக்கிறேன்.
___________  _  _  _   ____________________

செய்முறை:

மைதா,பேகிங் சோடா,உப்பு மூன்றையும் ஒரு பௌளில் கொட்டி விஸ்க்கால் நன்றாகக் கலந்து தனியாக வைக்கவும்.

பயன்படுத்தும் பட்டர் அறை வெப்பநிலையில் இருக்கட்டும்.பட்டர் மென்மையாகும்வரை  நன்றாக விஸ்க்கால் கலக்கவும்.

பிறகு அதனுடன் சர்க்கரையை சேர்த்து நன்றாகக் குழையும்வரை கலக்கவும்.

அடுத்து இதனுடன் முட்டை,vanilla extract இரண்டையும் சேர்த்து ஸ்மூத்தாக வரும்வரை நன்றாகக் கலக்கவும்.

இவற்றுடன் மைதா கலவையைக் கொட்டிக் கலக்கவும்.

எல்லாம் நன்றாக,ஒன்றாக சேர்ந்த பிறகு ஓட்ஸ்,நட்ஸ்,ட்ரை ஃப்ரூட்ஸ் எல்லாவற்றையும் சேர்த்து விஸ்க்கால் கலக்கிவிட்டு ஒரு 1/2 மணி நேரம் மூடி வைக்கவும்.

ஓவனை 350 டிகிரிக்கு முற்சூடு செய்யவும்.

ஒருமுறை கலவையை கையாலேயே மென்மையாகப் பிசைந்துகொள்ளவும்

ஒரு baking sheet ல் parchment paperஐ  போட்டு 1/4 கப் அல்லது ஒரு குழிவான கரண்டி அல்லது ice cream scoop அல்லது கையாலேயே சிறுசிறு எலுமிச்சை அளவுக்கு எடுத்து படத்தில் உள்ளதுபோல் தனித்தனியாக வைத்து லேஸாகத் தட்டையாக்கி விடவும்.

oats cookie

பிறகு தட்டை ஓவனில் வைத்து சுமார் 10 லிருந்து 12 நிமிடங்கள் பேக் செய்யவும்.குக்கியைச் சுற்றிலும் லேஸான ப்ரௌன் நிறம் வரும்போது எடுத்து ஆறவிடவும்.

மீதியுள்ள கலவையை மீண்டும் இவ்வாறே செய்யவும்.சுமார் 20 குக்கிகள் வரை வரும்.

இப்போது நல்ல கரகர,மொறுமொறு ஓட்ஸ் குக்கிகள் தயார்.கண்ணாடி பாட்டிலில் எடுத்து வைத்துக்கொண்டால் தேவையானபோது சுவைக்கலாம்.

பழங்கள் / Fruits

ஸ்ட்ராபெர்ரி/Strawberry_வருடம் முழுவதும் மார்க்கெட்டுக்கு வரும் பழம் இது.இரண்டாவது படத்தைப் பாருங்க, எவ்வளவு ஜூஸியா இருக்குன்னு!

strawberry    fruit

 

இது blood orange.சீஸன் சமயத்தில் ஒன்றிரண்டு மட்டும் வாங்குவேன். சாதாரண ஆரஞ்சிலிருந்து சிறிது வித்தியாசமாக இருக்கும்.

blood orangeblood orange

 

எத்தனையோ வெரைட்டியில்,நிறங்களில் ஆப்பிள் வந்தாலும் நாங்கள் வாங்குவது Fuji ஆப்பிள்.அதிக புளிப்பில்லாமல் ஜூஸியா இருக்கும்.அது இல்லையென்றால் gala வகை.Pink lady கூட உண்டு.

சீஸன் ஆரம்பிக்கும்போது நல்ல சிவப்பு நிறத்தில் வரும்.இப்போது கலர் மாறி விட்டது.நாங்கள் ரெகுலராக வாங்கும் கடையில் இந்த வாரத்துடன் விற்பனை முடிந்துவிட்டது.அங்கேயே உள்ள வேறு கடைகளில்தான் இனி வாங்க வேண்டும்..ஆப்பிளுக்கு அடுத்து இந்தக் கடையில் ப்ளாக்பெர்ரி,ப்ளூ பெர்ரி வரும்.ம் ம் யம்மி!

சீஸன் சமயத்தில்                                                                                         தற்சமயம்

gala apples   apple

 

இது அவகாடோ.இதுவும் வருடம் முழுவதும் மார்க்கெட்டுக்கு வரக்கூடியது.உள்ளே உள்ள சதைப்பகுதியை எடுத்து சர்க்கரை சேர்த்து பிசைந்து அல்லது துண்டுகளாக்கி சர்க்கரையில் புரட்டி எடுத்து சாப்பிட சூப்பரா இருக்கும்.இல்லை அப்படியேகூட சாப்பிடலாம். எங்க வீட்டில் நான் மட்டுமே சாப்பிடும் பழம் இது.

avocado

 

மாங்காய்,புளியங்காய் போன்றவை சீஸன் முடிந்தபிறகு காய்க்கும்போது அதன் காய்கள் புளிப்பே இல்லாமல், சாப்பிட சூப்பரா இருக்கும், ‘கரட்டுக்காய்’னு சொல்லுவோம்.அந்த மாதிரிதான் இந்தப்பழமும்.இந்த ப்ளம்ஸ் பழங்கள் சீஸன் முடியும்போது வருபவை.இரண்டு நாட்களில் பழுத்துவிடும்.

plums

 

இது நம்ம ஊர் பேயம்பழம் மாதிரியான சுவையில் சூப்பரா இருக்கும்.கோடையில் மட்டுமே வரும் கடையில் இது கிடைக்கும்.விலையோ எக்கச்சக்கம்.

banana

 

இது ஸ்வீட் லெமன்.ஊறுகாய் போட்டால் நன்றாகவே இல்லை, குப்பைக்குத்தான் போனது.மீதமானதை நறுக்கி நறுமணத்துக்காக ஃப்ரிட்ஜில் வைத்துவிட்டேன்.

sweet lime

 

கரும்பும் ஏறக்குறைய வருடம் முழுவதும் வந்துகொண்டுதான் இருக்கிறது.ஒரு துண்டு $3.இரண்டு துண்டுகள் $5.

வீட்டுக்குப் போய் கடித்து / நறுக்கி சாப்பிடுவதில் சிரமமா? அல்லது இதையெல்லாம் செய்யும்போது கார்பெட் அழுக்காகிவிடும் என நினைத்தாலும் ப்ளாஸ்டிக் கவரில் உள்ளதை வாங்கிக்க வேண்டியதுதான்!ஆனாலும் கடித்து சாப்பிடுவதில் ஒரு சுவை உண்டு.

sugar cane

இனிப்பு வகைகள், பழங்கள் இல் பதிவிடப்பட்டது . குறிச்சொற்கள்: , , , , , , , , , . 12 Comments »

பீனட் பட்டர் & ஜெல்லி சாண்ட்விச்/Peanut butter&Jelly sandwich

sandwich

தேவையானவை:

ப்ரெட்/Bread_ஒரு நபருக்கு 2 துண்டுகள்/slices
பீனட் பட்டர்/Peanut butter_தேவைக்கு
ஸ்ட்ராபெர்ரி ஜாம்/Strawberry jam_தேவைக்கு

IMG_4799

Peanut butter ஐ செலக்ட் பண்ணும்போது க்ரீமியாக/creamy இல்லாமல் க்ரஞ்சியாக/crunchy தெரிவு செய்தால் சாப்பிடும்போது நன்றாக‌ இருக்கும்.உங்கள் விருப்பம்போல் எந்த ஜாமையும் பயன்படுத்திக்கொள்ளலாம்.

இதற்கு brown bread ஐவிட  white bread இன்னும் சுவையாக இருக்கும்.

செய்முறை:

இரண்டு ப்ரெட் துண்டுகளை எடுத்துக்கொண்டு ஒன்றில் பீனட் பட்டரையும், மற்றொன்றில் ஸ்ட்ராபெர்ரி ஜாமையும்,

sandwich

கீழே படத்திலுள்ளதுபோல் ப்ரெட் தூண்டுகளின் மேல் முழுவதும் தடவி விட்டு,

sandwich

இரண்டையும் ஒன்றன்மேல் ஒன்றாக வைத்து அழுத்திவிட்டு,

sandwich

ஒரு கத்தியின் உதவியால் முக்கோண வடிவில் நறுக்கவும்.

sandwich

இப்போது இனிப்புடன் கூடிய,சுவையான ப்ரெட் சாண்ட்விச் சாப்பிடத் தயார்.பிறகென்ன,எடுத்து சாப்பிட வேண்டியதுதான்.

sandwich

இது அவசர டிஃபனாகவும்,பிள்ளைகளுக்கு ஸ்கூல் லன்ச்சாகக் கொடுக்கவும் உதவும்.

இதனை ஃபாயிஷாவின்   Passion on plate giveaway event ற்கு அனுப்புகிறேன்.

திருவாதிரை களி / Thiruvathirai kali

kali

வலையுலகில் எங்கு பார்த்தாலும் ஆருத்ரா தரிசனம் பற்றிய பதிவுகள் மனதிற்கு மகிழ்ச்சியைத் தந்தன.திருவாதிரை வரப்போகுதோ என்னவோ “திருவாதிரைக்கு ஒருவாய்க் களி தின்னாதவர் ____”என்ற பழமொயினால் கொஞ்சம் பயம் வந்ததென்னவோ உண்மை.எனவே இந்த வருடம் திருவாதிரை அன்று இந்தக்களி செய்தே தீரவேண்டுமென்று முடிவுகட்டி செய்து சாப்பிட்டாச்சு.இனி இந்த ____ல் பயமில்லை.

இதன் செய்முறைகூட‌ சர்க்கரைப் பொங்கல்,அரிசி உருண்டை போலவே எனக்குத் தோன்றியது.வெள்ளை வெல்லத்தினால் அழகான நிறம் களிக்குக் கிடைக்கவில்லை. (தப்பிப்பதற்கு ஒரு வழி!)தேங்காய்ப்பூ சேர்க்க மறந்தாகிவிட்டது.

களி செய்ய ஆரம்பிக்குமுன் எல்லாப் பொருள்களையும் தயாராக எடுத்து வைத்துக்கொள்ளவும்.தண்ணீர் கொதிக்க ஆரம்பித்ததும் வேலை கடகடவென முடிந்துவிடும்.பிறகு நான் தேங்காய்ப்பூவை மறந்த மாதிரி நீங்களும் எதையாவது மறந்துவிட‌க்கூடாது என்பதற்காகத்தான்.

தேவையானவை:

பச்சரிசி_ஒரு கப்
பச்சைப்பருப்பு_1/4 கப்
கடலைப்பருப்பு_ஒரு டீஸ்பூன் (விருப்பமானால்)
வெல்லம்_ஒன்னேகால் கப்
தேங்காய்ப்பூ_ஒன்றிரண்டு டீஸ்பூன்
உப்பு_துளிக்கும் குறைவாக‌
ஏலக்காய்_1
நெய்_1/4 கப்
முந்திரி_10

செய்முறை:

பச்சரிசி,பச்சைப்பருப்பு,கடலைப்பருப்பு மூன்றையும் தனித்தனியாக வெறும் வாணலில் சிவக்க வறுத்துக்கொள்ளவும்.

ஆறியதும் எல்லாவற்றையும் ஒன்றாக மிக்ஸியில் போட்டு ஏலக்காயையும் சேர்த்து ரவை பதத்திற்குப் பொடித்துக்கொள்ளவும்.துளி உப்பையும் இதனுடன் சேர்த்துக்கொள்ளவும்.

kali rava

களி கிண்டப்போகும் பாத்திரத்தில் 4 கப்புகள் தண்ணீர் ஊற்றி சூடுபடுத்தவும்.

வேறொரு பாத்திரத்தில் வெல்லத்தைப் பொடித்துப்போட்டு அது மூழ்குமளவு சிறிது தண்ணீர் விட்டு கொதிக்க வைக்கவும்.

வெல்லம் கரைந்ததும் தூசு,மண் இல்லாமல் வடித்துவிட்டு மீண்டும் அடுப்பிலேற்றி தீயை மிதாமாக வைத்து லேஸான பாகுப்பதத்திற்கு கொதிக்க விடவும்.

இதற்குள் களிக்கானத் தண்ணீர் கொதிக்க ஆரம்பிக்கும்.அப்போது தேங்காய்ப் பூவைப்போட்டு,பொடித்து வைத்துள்ள ரவையையும் சிறிதுசிறிதாகக் கொட்டிக்கொண்டே whisk ஆல் விடாமல் கிளறவும்.கட்டிகளில்லாமல் பார்த்துக்கொள்ளவும்.

ரவையைக் கொட்டிக் கிளறும்போதே வெந்துவிடும்.தீயை மிதமாக்கிக்கொண்டு,வெல்ல நீரை ஊற்றிக் கிண்டிவிட்டு,எல்லாம் ஒன்றாகக் கலந்ததும் அடுப்பை நிறுத்திவிட்டு மூடி வைக்கவும்.

ஒரு கரண்டியில் நெய்விட்டு முந்திரியை வறுத்துக்கொட்டவும்.

kali

மீண்டும் ஒன்றிரண்டு முறை கிளறிக்கொடுக்க பொலபொலவென்று உதிர்ந்துகொள்ளும்.இப்போது சுவையான திருவாதிரைக் களி தயார்.

இனிப்பு வகைகள், சிற்றுண்டி வகைகள் இல் பதிவிடப்பட்டது . குறிச்சொற்கள்: , , , . 6 Comments »

தீபாவளி வாழ்த்து

வலையுலக நண்பர்கள்,வருகை புரிவோர் அனைவருக்கும் இனிய  

                                        தீபாவளி   நல்வாழ்த்துக்கள்.     

இந்த தீபாவளிக்கு செய்த அதிரசம்.படத்தைப் பெரியதாக்கிப் பார்த்தால்தான் அதிரசம் எவ்வளவு ஜூஸியாக இருக்குன்னு தெரியும்.

எங்கள் ஊர்பக்கம் அதிரசம் இல்லாமல் தீபாவளி கிடையாது.தினை அல்லது பச்சரிசியின் ஈர மாவுடன் வெல்லம் அல்லது சர்க்கரை பாகு சேர்த்து செய்வாங்க.மற்ற எல்லா இனிப்பை விடவும் இதற்குத்தான் மவுசு அதிகம்.

கேதாரகௌரி விரத நோன்பு அன்று அதிரசம் செய்வாங்க.சாமிக்குப் படைக்கும் அதிரசங்களை அழுத்திப் பிழியாமல் அப்படியே எடுத்து வைப்பாங்க.மற்றதை எண்ணெயிலிருந்து எடுத்ததும் ஒரு படியால் அழுத்திப் பிழிந்து எடுத்து வைப்பாங்க.

கீழே படத்திலிருப்பது அப்படி(யே) எடுத்து வைத்ததுதான்.

இதன் செய்முறை இங்கே உள்ளது.

மீண்டும் அனைவருக்கும் தீபாவளி நல்வாழ்த்துக்கள்.

இனிப்பு வகைகள், Uncategorized இல் பதிவிடப்பட்டது . குறிச்சொற்கள்: , , . 16 Comments »