பழங்கள் / Fruits

ஸ்ட்ராபெர்ரி/Strawberry_வருடம் முழுவதும் மார்க்கெட்டுக்கு வரும் பழம் இது.இரண்டாவது படத்தைப் பாருங்க, எவ்வளவு ஜூஸியா இருக்குன்னு!

   

 

இது blood orange.சீஸன் சமயத்தில் ஒன்றிரண்டு மட்டும் வாங்குவேன். சாதாரண ஆரஞ்சிலிருந்து சிறிது வித்தியாசமாக இருக்கும்.

 

எத்தனையோ வெரைட்டியில்,நிறங்களில் ஆப்பிள் வந்தாலும் நாங்கள் வாங்குவது Fuji ஆப்பிள்.அதிக புளிப்பில்லாமல் ஜூஸியா இருக்கும்.அது இல்லையென்றால் gala வகை.Pink lady கூட உண்டு.

சீஸன் ஆரம்பிக்கும்போது நல்ல சிவப்பு நிறத்தில் வரும்.இப்போது கலர் மாறி விட்டது.நாங்கள் ரெகுலராக வாங்கும் கடையில் இந்த வாரத்துடன் விற்பனை முடிந்துவிட்டது.அங்கேயே உள்ள வேறு கடைகளில்தான் இனி வாங்க வேண்டும்..ஆப்பிளுக்கு அடுத்து இந்தக் கடையில் ப்ளாக்பெர்ரி,ப்ளூ பெர்ரி வரும்.ம் ம் யம்மி!

சீஸன் சமயத்தில்                                                                                         தற்சமயம்

  

 

இது அவகாடோ.இதுவும் வருடம் முழுவதும் மார்க்கெட்டுக்கு வரக்கூடியது.உள்ளே உள்ள சதைப்பகுதியை எடுத்து சர்க்கரை சேர்த்து பிசைந்து அல்லது துண்டுகளாக்கி சர்க்கரையில் புரட்டி எடுத்து சாப்பிட சூப்பரா இருக்கும்.இல்லை அப்படியேகூட சாப்பிடலாம். எங்க வீட்டில் நான் மட்டுமே சாப்பிடும் பழம் இது.

 

மாங்காய்,புளியங்காய் போன்றவை சீஸன் முடிந்தபிறகு காய்க்கும்போது அதன் காய்கள் புளிப்பே இல்லாமல், சாப்பிட சூப்பரா இருக்கும், ‘கரட்டுக்காய்’னு சொல்லுவோம்.அந்த மாதிரிதான் இந்தப்பழமும்.இந்த ப்ளம்ஸ் பழங்கள் சீஸன் முடியும்போது வருபவை.இரண்டு நாட்களில் பழுத்துவிடும்.

 

இது நம்ம ஊர் பேயம்பழம் மாதிரியான சுவையில் சூப்பரா இருக்கும்.கோடையில் மட்டுமே வரும் கடையில் இது கிடைக்கும்.விலையோ எக்கச்சக்கம்.

 

இது ஸ்வீட் லெமன்.ஊறுகாய் போட்டால் நன்றாகவே இல்லை, குப்பைக்குத்தான் போனது.மீதமானதை நறுக்கி நறுமணத்துக்காக ஃப்ரிட்ஜில் வைத்துவிட்டேன்.

 

கரும்பும் ஏறக்குறைய வருடம் முழுவதும் வந்துகொண்டுதான் இருக்கிறது.ஒரு துண்டு $3.இரண்டு துண்டுகள் $5.

வீட்டுக்குப் போய் கடித்து / நறுக்கி சாப்பிடுவதில் சிரமமா? அல்லது இதையெல்லாம் செய்யும்போது கார்பெட் அழுக்காகிவிடும் என நினைத்தாலும் ப்ளாஸ்டிக் கவரில் உள்ளதை வாங்கிக்க வேண்டியதுதான்!ஆனாலும் கடித்து சாப்பிடுவதில் ஒரு சுவை உண்டு.

ஆரஞ்சுப் பழம் & ஆரஞ்சு ஜூஸ்

இந்த சீஸனில் மார்க்கெட்டில் ஆரஞ்சுப் பழங்கள் நிறைய வெரைட்டியில் அதிக அளவில் வருகின்றன.அவற்றை எவ்வாறு எளிதாக உரிப்பது, துண்டுகள் போடுவது எனப் பார்க்கலாம்.

கீழே படத்திலுள்ளவை நம்ம ஊர் கமலா பழம் போன்றது.இதை உரிப்பது எளிது.தோலை நீக்கிவிட்டு சுளைகளை எடுத்து அந்தத் தோலின் மேலேயே வைத்து,தட்டில் அடுக்கி வைத்துக் கொடுக்கலாம்.

கீழேயுள்ளது Navel ஆரஞ்சு.இதை ஜூஸ் பிழிந்தோ அல்லது உரித்து சுளைகளாகவோ சாப்பிடலாம்.

சாத்துகுடி,ஆரஞ்சு போன்றவற்றை சிலர் நகத்தால் கீறி எடுக்க முயற்சிப்போம்.அப்போது நகக்கண்ணில் வரும் வலியானது மீண்டும் உரிக்க நினைக்கும்போதே ஒரு பயம் வரும்.அந்த வலியானது இரண்டுமூன்று நாட்கள் நீடிக்கும்.

அவ்வாறு இல்லாமல் முழு பழத்தின் மேலும் கீழும் கத்தியைப் பயன்படுத்தி சிறிது நறுக்கிவிட்டு,நான்கைந்து இடங்களில் நீளவாக்கில்  கீறிவிட்டுப் பிய்த்தால் தோல் எளிதாக வந்துவிடும்.

   

உரித்த முழு பழத்தினை குறுக்காக,இரண்டாக நறுக்கி,பிறகு விருப்பமான அளவில் துண்டுகள் போட்டு,அந்தத் தோலின் மேலேயே நறுக்கிய துண்டுகளை வைத்து,ஒரு ‘டூத்பிக்’குடன் தட்டில் அடுக்கிக் கொடுத்தால் பார்க்க அழகாகவும் இருக்கும், பார்க்கும்போதே சாப்பிடவும் தூண்டும்.

அல்லது நறுக்குவதற்கு பதிலாக தோலை நீக்கிவிட்டு சுளைகளை எடுத்து அந்தத் தோலின் மேலேயே வைத்து,தட்டில் அடுக்கி வைத்தும் கொடுக்கலாம்.

 

ஜூஸ் வேண்டுமானால் இரண்டு பழங்களைக் குறுக்காக வெட்டி, ஒவ்வொன்றாக ஜூஸரில் வைத்துப் பிழிந்து ஒரு க்ளாஸில் ஊற்றிக் குடிக்கலாம்

  

பழங்கள்

நாங்க இருக்கும் பகுதியிலுள்ள ஃபார்மர்ஸ் மார்க்கெட்டில் வாங்கிய சில பழங்கள்.ஃப்ரெஷ்ஷாக இருப்பதால் ஒரிஜினல் டேஸ்ட்டில் இருக்கும்.பொங்கல்சமயம் என்பதால் பழங்களுடன் கரும்பும் சேர்ந்துகொண்டது.

இந்தப் பொங்கலுக்கு வாங்கிய கரும்பு.முழு கரும்பு கிடைத்தாலும் அப்படியே எடுத்துவர முடியாது என்பதால் துண்டுகளாகவே வாங்கியாச்சு.

எல்லோரும் ஒவ்வொன்னா எடுத்துக்கோங்க.உங்களுக்காகவே பட்டையை உரித்து,குட்டிக்குட்டித் துண்டுகள் போட்டாச்சு.

செர்ரி பழங்கள்

நிறைய வெரைட்டியில் திராட்சை கிடைக்கும்.

பள்ளி முடிந்து வரும் மகளுக்காகக் காத்திருக்கும் பலா சுளைகள்.

எப்போதும் (சீஸன் சமயத்தில்) பெரிய கொய்யாப் பழங்களே வரும். ஒருமுறை இதுபோன்ற நாட்டுக்கொய்யா கிடைத்தது.உள்ளே லேஸான பிங்க் நிறம்.நல்ல இனிப்பு.

பழங்கள்

கீழேயுள்ள எல்லா பழங்களும் எங்க ஊர் ஃபார்மெர்ஸ் மார்க்கெட்டில் வாங்கியது.

இது  fresh dates.இதன் சுவை வித்தியாசமாக,அதிக இனிப்பாக இருக்கும்.

 

Dates லேயே wet dates,dry dates என கிடைக்கும்.படத்திலிருப்பது dry dates.

guava

                                    

mango plums

          

plums

        

  

peaches

         

 

                  orange        

pears

   

cantaloupe

grapes

   

 

இது ஈச்சம்பழம்.கடலூரிலிருந்து புதுச்சேரி செல்லும் வழியில் வாங்கியது.

அன்னாசி பழம்

இதன் நிறமும்,அழகும்!  Flower vase  போலவே இருக்கும் இதனை பழுக்கும் வரை இதன் அழகுக்காகவே  சாப்பாட்டு மேசையின் நடுவில் வைத்திருப்பேன். வாங்கும்போது இருந்த‌ பச்சை நிறம் இரண்டு அல்லது மூன்று நாட்களில், பழுத்ததும், நிறம் மாறி இன்னும் அழகாக,கூடவே வாசனையுடன் பார்ப்பதற்கே அழகாக இருக்கும்.

நன்றாகப் பழுத்ததும் மேலே பச்சை நிறத்தில் உள்ள பகுதியை கையால் திருகினால் வந்துவிடும்.பின் வட்டவட்டமாக நறுக்கி (அல்லது விருப்பமான வடிவத்தில் நறுக்கி) சுற்றிலும் உள்ள முள் போன்ற பகுதியையும் நறுக்கிவிட்டு,நடுவில் உள்ள தண்டு போன்ற பகுதியையும் நீக்கிவிடவும்.

பழத்தை அப்படியே சாப்பிட்டால் நமிக்கும்.எனவே சிறுசிறு துண்டுகளாக்கி ஒரு பாத்திரத்தில் போட்டு சிறிது உப்பு சேர்த்து குலுக்கி ஒன்றிரண்டு நிமி கழித்து சாப்பிடவேண்டியதுதான்.

பலாப்பழம்

 

Summer  வந்ததுமே பலாப்பழமும் வந்துவிடும்.ஆனால் என்ன பழத்தின் ஒரு சிறு பகுதி மட்டுமே வாங்கிவருவோம்.விலைதான் கொஞ்சம் (உண்மையில் எக்கச்சக்கம்) கூடுதல்.

 

 ஊரில் என்றால் ஆளாளுக்கு கையிலும்,கத்தியிலும் எண்ணெய் தடவிக்கொண்டு ஒரு அறுவை சிகிச்சையே நடந்தது போல் இருக்கும்.

இங்கு அப்படியொன்றும் பிசுபிசுப்பு இல்லை.எனவே எண்ணெய் பயன்படுத்தாமலேயே அரிந்துவிட்டேன்.

 

மேலேயுள்ள தண்டுப்பகுதியை கத்தியால் நறுக்கிவிட்டு லேசாக அங்கங்கே  கீறினால் படத்தில் உள்ளதுபோல் இருக்கும்.

இப்போது எளிதாக சுளைகளை எடுத்துவிடலாம்.

 

 

சுளையின் ஒரு பகுதியில் கத்தியால் லேசாகக் கீறினால் பலாக்கொட்டை வெளியே வந்துவிடும்.

பிறகென்ன பௌளில் இருப்பதை எடுத்து சாப்பிட வேண்டியதுதான்.

 

 

பலாக்கொட்டைகளை சாம்பார்,கருவாட்டுக்குழம்பு போன்றவற்றிலும், பொரியலாகவும் செய்து சாப்பிடுவார்கள்.

 

அவகடோ / Avovado

இப்பழத்தை வாங்கும்போது அன்றே பயன்படுத்துவதாக இருந்தால் பழமாக வாங்கலாம்.இல்லை ஒன்றிரண்டு நாள் கழித்து பயன்படுத்துவதாக இருந்தால் கொஞ்சம் காயாக வாங்கலாம்.

கரும்பச்சை நிறமாகவும்,லேசாக அழுத்தினால் அமுங்குவது போலவும்  இருந்தால் அது பழம்.நல்ல பச்சை நிறத்துடனும் அழுத்தினால் அமுங்காமலும் இருந்தால் அது காய்.இதனை சாலட் போன்றவற்றில் பயன்படுத்துவார்கள்.

பழத்தின் ஒரு பகுதியில் கத்தியை வைத்து நறுக்கி அப்படியே நகர்த்திக்கொண்டே வந்தால் ஆரம்பித்த இடத்திற்கு வந்ததும் கத்தியை எடுத்துவிட்டு இரண்டு கைகளால் இரண்டு பக்கமும் பிடித்து இழுத்தால் இரண்டு பகுதியும் தனித்தனியாக வந்துவிடும்.

பிறகு அதன் உள்ளே உள்ள கொட்டையை நீக்கிவிட்டு மேல் தோலையும் உரித்துவிட்டு சிறுசிறு துண்டுகளாக்கி அல்லது நன்றாக மசித்துவிட்டு தேவையான சர்க்கரை அல்லது வெல்லம் கலந்து சாப்பிடலாம்.சுவையாக இருக்கும்.

பழங்கள்

கோடையைக் குளுமையாக்க மேலும் சில பழங்கள்

பழங்கள்

என்ன அழகு! சுவையும்தான்.

honeydew melon

asian pears

cantaloupe                                                                                          watermelon

    

strawberry