பீனட் பட்டர் குக்கீஸ் / Peanut butter cookies

cookie

இன்னும் பட்டர்,சர்க்கரை சேர்க்க விரும்பினால் நீண்ட‌ புள்ளிகளுக்கு அப்பாலுள்ள அளவின்படி சேர்க்கலாம்.

தேவையானவை:

மைதா _ 2 கப்
பேகிங் சோடா / Baking soda _ 1/2 டீஸ்பூன்
உப்பு _ 1/4  டீஸ்பூன்

பட்டர் / Unsalted butter _ 1/2 கப் …… ………………………………………..( 3/4 கப்)
ப்ரௌன் சுகர் / Brown sugar _ 1/2 கப்
சர்க்கரை_1/4 கப்……………………………………………………………………. (1/2 கப்)
பீனட் பட்டர் / Crunchy Peanut butter _ 1/2 கப் ……………………………(3/4 கப்)
முட்டை_1
வென்னிலா எக்ஸ்ராக்ட் / Pure vanilla extract _  ஒரு டீஸ்பூன்

செய்முறை:

முதலில் மைதா,பேகிங் சோடா,உப்பு இவற்றை ஒன்றாகக் கலந்து ஒன்றுக்கு இரண்டு தடவை சலித்துக்கொள்ளவும். அப்போதுதான் பேகிங்சோடா மாவுடன் நன்றாகக் கலந்துகொள்ளும்.

ஒரு பெரிய பௌளில் பட்டரை எடுத்துக்கொண்டு விஸ்க்கால் மென்மையாகும்வரை கலக்கவும்.

அடுத்து இரண்டு விதமான‌ சர்க்கரையையும் சேர்த்து நன்கு கலக்கவும்.

இவை நன்றாகக் கலந்ததும் பீனட் பட்டரை சேர்த்து கலக்கவும்.

பிறகு முட்டை,வென்னிலா எக்ஸ்ராக்ட் சேர்த்து நன்கு கலக்கவும்.

கடைசியாக‌ மைதா கலவையை சேர்த்து நன்றாகக் கலந்து மூடி ஒரு 1/2 மணி நேரம் ஃப்ரிட்ஜில் வைக்கவும்.

ஓவனை 350 டிகிரிக்கு முற்சூடு செய்யவும்.

cookie

ஒரு baking sheet ல் parchment paperஐ  போட்டு மாவில் இருந்து சிறுசிறு உருண்டை அளவிற்கு எடுத்து மென்மையாக உருட்டி படத்தில் உள்ளதுபோல் போதுமான இடைவெளி விட்டு அடுக்கவும்.

ஒரு ஃபோர்க் ஸ்பூனில் சர்க்கரையைத் தொட்டு ஒவ்வொரு உருண்டையின் மீதும் வைத்து லேஸாக அழுத்திவிடவும்.

இதனை முற்சூடு செய்யப்பட்ட ஓவனில் 10 லிருந்து 15 நிமிடங்களுக்கு அல்லது குக்கியின் ஓரங்கள் லேஸாக சிவந்து வரும்வரை பேக் செய்து எடுத்து ஆறவிடவும்.

cookiecookie

இப்போது சுவையான,மொறுமொறுப்பான,இன்னும் என்னல்லாம் பில்டப் கொடுக்க‌லாம்!!,ம்ம்ம்…கரகரப்பான,க்ரன்சியான‌  பீனட்பட்டர் குக்கிகள் தயார்.

Advertisements

புரிடோ / Burrito

burrito

தேவையானவை:

ஃப்ளோர் டார்டியாஸ் / Flour tortillas_ஒரு நபருக்கு ஒன்று வீதம்.
சாதம்_வெள்ளை (அ)சிவப்பு (அ) கருப்பு
வெங்காயம்
தக்காளி
பச்சை மிளகாய்_இதற்கு பதிலாக இனிப்பு மிளகாய்கள் சேர்த்துள்ளேன்.
அவகாடோ
ஸ்வீட் கார்ன்/Sweet corn_இல்லை என்பதால் சேர்க்கவில்லை
சல்ஸா
சோர் க்ரீம்/Sour cream
ப்ளாக் பீன்ஸ்/Black beans_இல்லை என்பதால் பெரும்பயறு சேர்த்துள்ளேன்.
துருவிய சீஸ்
லெட்யூஸ் இலைகள்
கொத்துமல்லி தழை

burritoburritos

தேவையானப் பொருள்களையும்,அதிகமான படங்களையும் பார்த்து மலைக்க வேண்டாம்.செய்வதற்கு ரொம்பவே சுலபம்.

தேவையானப் பொருள்களில் ஒன்றிரண்டு கூடினாலும் குறைந்தாலும் பிரச்சினையில்லை.ஆனால் டார்டியாவை மட்டும் செக் பண்ணிடுங்க.

அதேபோல் அளவெல்லாம் தேவையில்லை.விருப்பமானதை கூட்டியும்,குறைத்தும் சேர்க்கலாம்.

செய்முறை:

பயறை ஊற வைத்து,வேக விட்டு ஸ்பூன் அல்லது விரலால் ஒன்றும் பாதியுமாக மசித்துக்கொள்ளவும்.

வெங்காயம்,தக்காளி,மிளகாய்,லெட்யூஸ்,கொத்துமல்லி இவற்றை எல்லாம் பொடியாக நறுக்கிக்கொள்ளவும்.

மற்ற பொருள்களையும் தயாராக எடுத்து வைத்துக்கொள்ளவும்.

burritosburrito

டார்டியாவை சூடான தோசைக் கல்லில் போட்டு இருபுறமும் திருப்பிவிட்டு, சூடாகியதும் எடுத்து ஒரு அகலமான தட்டில் வைக்கவும்.

அதன் உள்ளே வைத்து நிரப்பப்போகும் பொருள்களை எல்லாம் நீளவாக்கில்தான் வைக்கப் போகிறோம்.அப்போதுதான் மடித்து,சுருட்டுவதற்கு வசதியாக இருக்கும்.

burrito

முதலில் ஒன்றிரண்டு டேபிள்ஸ்பூன் அளவிற்கு சாதத்தை நீளவாக்கில் தூவினாற்போல் பரப்பி விடவும்.

burrito

அடுத்து லெட்யூஸ் இலைகள்,கொத்துமல்லி இவற்றை சேர்க்கவும்.

burrito
அதன்மேல் பொடியாக நறுக்கி வைத்துள்ள காய்களை சேர்க்கவும்.

burrito
அடுத்து வெந்த பயறை சேர்க்கவும்.

burrito

அதன்மேல் சல்ஸா,சோர் க்ரீம்,துருவிய சீஸ் இவற்றை ஒன்றன்மேல் ஒன்றாக சேர்க்கவும்.

burrito

இறுதியாக படத்தில் காட்டியுள்ளவாறு இரண்டு பக்கமும் மடித்துப் பிடித்துக்கொண்டு, கீழ் பகுதியை (1 ஐ) மேல் பக்கமாக (2 ஐ நோக்கி) மடித்துவிட்டு இறுக்கி சுருட்டவும்.

இரண்டு பக்கமும் மடித்ததை ஃபோட்டோ எடுப்பதற்காக டூத்பிக் சொருகியுள்ளேன்.படம் எடுத்ததும் குச்சிகளை எடுத்துவிடுவேன்.

burrito

இப்போது சுவையான வெஜ் புரிடோ சாப்பிடத் தயார்.

ஏற்கனவே சொன்னதுபோலவேதான்,அப்படியே சாப்பிட்டால் கொஞ்சம் அசௌகரியமாக இருக்கும் என்பதால் ஒரு பேப்பர் டவலில் சுற்றிக் கொடுத்தால் கவலைப் படாமல் சாப்பிடலாம்.

வெளியில் எடுத்துச் செல்வதாக இருந்தால் அலுமினம் ஃபாயிலில் சுருட்டி எடுத்துச்செல்ல‌லாம்.

ப்ரெட் சாண்(ட்)விச் / Bread Sandwich

sandwich

ப்ரெட் சாண்விச்சை பல வகைகளில் தயார் செய்யலாம்.

ப்ரெட்டின் இடையில் வைக்கப்போகும் பொருள்களை அவரவர் விருப்பத்திற்கு ஏற்ப தெரிவு செய்துகொள்ளலாம். சாதாரணமாக நான் செய்வதை இங்கே கொடுத்திருக்கிறேன்.நீங்களும் முயற்சித்துப் பாருங்களேன்.

தேவையானவை:

ப்ரெட் துண்டுகள் _ ஒரு நபருக்கு 2 துண்டுகள் வீதம்
வெங்காயம் _ (பெரிய வெங்காயம் இல்லை என்பதால் சின்ன வெங்காயம் சேர்த்திருக்கிறேன்)
தக்காளி
வெள்ளரி பிஞ்சு
விருப்பமான சீஸ்
விருப்பமான ரான்ச்/Ranch_கொஞ்சம்
லெட்யூஸ்/Lettuce_கொஞ்சம்

sandwich

செய்முறை:

வெங்காயம்,தக்காளி,வெள்ளரிப் பிஞ்சு இவற்றைக் கழுவித் துடைத்துவிட்டு, விருப்பமான அளவில் மெல்லிய வில்லைகளாக்கவும்.

லெட்யூஸ் இலைகளையும் நீரில் அலசிவிட்டு,ஈரம்போகத் துடைத்துவிட்டு நறுக்கிக்கொள்ளவும்.

இரண்டு ப்ரெட் துண்டுகளை டோஸ்ட்/toast  செய்து எடுத்துக்கொள்ளவும்.அல்லது அப்படியேகூட பயன்படுத்திக்கொள்ளலாம்.

sandwich

கடையில் ப்ரெட் துண்டுகளின் அளவுக்கே ( Singles ) சீஸ் கிடைக்கிறது.அதில் ஒன்றை எடுத்து ஒரு ப்ரெட்டின்மேல் வைக்கவும்.சீஸ் விருப்பமில்லை எனில் விட்டுவிடலாம்.

படத்திலுள்ள சீஸ் சிறிய அளவிலானது.நான் அவற்றை மெல்லிய ஸ்லைஸ்களாக நறுக்கி வைத்திருக்கிறேன்.

sandwich

லெட்யூஸை ப்ரெட்டின் மேல் வைக்கவும்.

sandwich

அடுத்து தக்காளி ஸ்லைஸை வைக்கவும்.

sandwich

அதேபோல் வெங்காய  ஸ்லைஸையும் வைக்கவும்.

sandwich

அடுத்து வெள்ளரி பிஞ்சு ஸ்லைஸை வைத்து,

sandwich

இறுதியாக ரான்ச்சையும் சிறிது ஊற்றி,

sandwich

ப்ரெட் துண்டுகளை ஒன்றன்மேல் ஒன்று வைத்து லேஸாக‌ அழுத்தவும்.இப்போது சுவையான,சத்தான,ஃப்ரெஷ்ஷான வெஜ் சாண்ட்விச் சாப்பிடத் தயார்.

sandwich

அப்படியே சாப்பிட்டால் உள்ளே உள்ளவை மேலேயும்,கீழேயும் வெளியில் வர வாய்ப்புள்ளது.எனவே ஒரு பேப்பர் டவலால் சுருட்டி வைத்துக்கொண்டு சாப்பிடலாம்.

குவாக்கமோலி / Guacamole

guacamole

இந்த டிப் செய்ய அவகாடோ முக்கியம்.அதனுடன் சேர்க்கும் மற்ற பொருள்கள் எல்லாம் நம் விருப்பமே.

சில கடைகளில் Guacamole kit என்றே கிடைக்கிறது.அந்த box ல்  அவகாடோ, எலுமிச்சை,வெங்காயம்,பச்சை மிளகாய், தக்காளி இவற்றில் ஒவ்வொன்றும், பூண்டிதழ் இரண்டும் உள்ளன‌.இதை வாங்கிக்கூட செய்துகொள்ளலாம்.

தேவையானவை:

அவகாடோ_1
வெங்காயம்_சிறு துண்டு (பெரிய வெங்காயம் எனில் 1/4 பாகம் சேர்க்கலாம்)
தக்காளி_1/4 பாகம்
இனிப்பு மிளகாய்கள்_ஒவ்வொன்றிலிருந்தும் சிறுசிறு துண்டு (பொதுவாக பச்சை மிளகாய் சேர்ப்பாங்க.1.காரத்துக்கு பயந்து, 2.கலர்ஃபுல்லாக இருக்கட்டுமே என்று இனிப்பு மிளகாய்களை சேர்த்திருக்கிறேன்)
கொத்துமல்லி தழை_கொஞ்சம்
வெங்காயத்தாள்_கொஞ்சம்
எலுமிச்சை_ஒரு மூடி
உப்பு_துளியளவு

செய்முறை:

vegetables

வெங்காயம்,தக்காளி,மிளகாய்,கொத்துமல்லி,வெங்காயத்தாள்,இவற்றைப் பொடியாக நறுக்கிக்கொள்ளவும்.

avocado

அவகாடோவை இரண்டாக நறுக்கி அதிலுள்ள கொட்டையை நீக்கிவிட்டு சதைப்பகுதியை ஒரு பௌளில் போட்டு,சிறிது எலுமிச்சை சாறுவிட்டு (கருக்காமலிருக்க) ரொம்பவும் நைஸாக இல்லாமல் ஒன்றும்பாதியுமாக‌ பிசைந்துகொள்ளவும்.

பிறகு பொடியாக நறுக்கிய‌வைகளை இதனுடன் சேர்த்து,உப்பு,எலுமிச்சை சாறு விட்டு நன்றாகக் கலந்து ஒரு 10 நிமிடங்கள் மூடி வைத்து பிறகு உபயோகிக்கலாம்.

guacamole

இப்போது சிப்ஸுடன் சேர்த்து சாப்பிட குவாக்கமோலி தயார்.சிப்ஸ் இல்லையென்றாலும் பரவாயில்லை,அப்படியேகூட சாப்பிடலாம்.

guacamole

அவகாடோவின் கொட்டையையும்,தோலையும்(பௌல் மாதிரி இருக்கும்) எடுத்து வைத்து குவாக்கமோலி தயாரானபிறகு படத்தில் உள்ளதுபோல் வைத்துக்கொடுத்தால் பார்க்க அழகாக இருக்கும்.

டார்டியா சிப்ஸ் / Tortilla chips

நான் எப்போதாவது flour tortillas/ ஃப்ளோர் டார்டியாஸ் வாங்குவேன்.இது சாஃப்ட் சப்பாத்தி மாதிரி இருக்கும்.லத்தீன் அமெரிக்கன் ப்ரெட்.அவர்கள் இதை வைத்து பலவிதமான உணவுகளைத் தயார் செய்வர்.அதில் ஒன்றுதான் இந்த சிப்ஸ். இங்கு L ஐ சைலண்டாக உச்சரிக்க வெண்டும்  என்பதால் tohr/tee/yahs  என்றே சொல்ல‌ வேண்டும்.ஒருமையில் Tortilla, பன்மையில் Tortillas.

இதை வீட்டில் யாருக்கும் பிடிக்காது.போட்டி போட்டு சாப்பிட ஆள் இருந்தால் நாமும் அவர்களுடன் சேர்ந்து காலி செய்யலாம்.அதற்கெல்லாம் வாய்ப்பில்லை என்பதால் குறைந்த எண்ணிக்கை உள்ள பாக்கெட்டாக வாங்கி (நான் மட்டும்) சாப்பிட்டது போக மீதியை Bake/பேக் செய்து சிப்ஸாக்கிடுவேன்.மகளும் நானும் விரும்பி சாப்பிடுவோம்.தொட்டு சாப்பிட சல்ஸா இருந்தால் நன்றாக இருக்கும்.

நீண்ட நாட்களாக சிப்ஸ் பக்கமே போவதில்லை என்பதால் சல்ஸாவும் கைவசமில்லை.அதனால் எளிதாக செய்யக்கூடிய குவாக்கமோலி/அவகாடோ டிப்  செய்தேன்.இந்தப் பதிவில் டார்டியா சிப்ஸ் செய்வதைப் பற்றி மட்டும் பார்த்துவிட்டு அடுத்த பதிவில் டிப் செய்வதைப்பற்றி பார்க்கலாம்.

தேவையானப் பொருள்கள்:

ஃப்ளோர் டார்டியாஸ்_3 அல்லது உங்கள் விருப்பம்போல்
பட்டர்/Butter_சிறிது
மிளகுத்தூள்_சிறிது
உப்புத்தூள்_சிறிது

செய்முறை:

ஓவனை 350 டிகிரிக்கு முற்சூடு செய்யவும்.

flour tortillas

தேவையான டார்டியாஸை எடுத்து  அதன் மேல் முழுவதும் படுமாறு பட்டரை தேய்த்து விடவும்.பின் அவற்றை ஒன்றன்மீது ஒன்றாக அடுக்கி,

flour tortillas

மேலே படத்திலுள்ளதுபோல் ஒரு கத்தியால் முதலில் அரை வட்டம்,அடுத்து கால் வட்டம் இப்படியாக சிறுசிறு முக்கோணங்களாக‌ வருவதுபோல் வெட்டிக்கொள்ளவும்.

flour tortillas

ஒரு cookie sheet /குக்கி ஷீட்டை எடுத்து அதில் அலுமினம் ஃபாயில் போட்டு அதன்மீது நறுக்கி வைத்துள்ள டார்டியாஸ் துண்டுகளை அடுக்கிவைத்து அவற்றின் மேல் மிளகுத்தூள் & உப்புத்தூளை லேஸாகத் தூவி விடவும்.

வெட்டிய துண்டுகள் மீதமிருக்குமானால் அதன் மேலேயே இன்னொரு அடுக்காகவும் வைத்து அதன்மீதும் மிளகுத்தூள் & உப்புத்தூளை மீண்டும் தூவவும்.

tortillas chips

அந்த ட்ரேயை முற்சூடு செய்யப்பட்டுள்ள அவனில் சுமார் 15 லிருந்து 20 நிமிடங்களுக்கு அல்லது லேஸாக ப்ரௌன் நிறம் வரும்வரை bake/பேக் செய்து எடுத்து ஆறவிடவும்.

இப்போது கரகரப்பான,மொறுமொறுப்பான டார்டியா சிப்ஸ் தயார்.இதனை ‘சல்ஸா’வுடனோ அல்லது ‘அவகாடோ டிப்’புடனோ சாப்பிட சூப்பராக இருக்கும்.

tortillas chips&guacamole

அடுத்த பதிவில் அவகாடோ டிப் செய்முறையைப் பார்க்கலாம்.

ஓட்ஸ் குக்கீஸ் / Oats cookies

oats cookie

இதுநாள் வரை கடையிலிருந்து வாங்கும் ‘ரெடிமேட் மிக்ஸ்’களைப் பயன்படுத்தியே கேக்,குக்கீஸ் செய்வேன்.

இந்த முறை இங்கும் அங்கும் தேடியலைந்து  ஓட்ஸ் குக்கி செய்தேன்,சூப்பராக வந்தது.

ஓட்ஸை அப்படியே போட்டு செய்ததே வாசனையுடன் சுவையாக‌ வரும்போது,வறுத்துப் பொடித்து செய்தால் என்ன எனத் தோன்றுகிற‌து.மேலும் வெண்ணெய்,சர்க்கரையின் அளவுகளைக் கொஞ்சம் குறைத்து செய்து பதிவிடுகிறேன்.

என்னிடம் electric mixer இல்லை என்பதால் whisk & கையைப் பயன்படுத்திக்கொண்டேன்.

சேர்க்க வேண்டிய பொருள்களை தனித்தனியாக கோடு போட்டுள்ளேன். அதன்படி பிரித்து வைத்துக்கொண்டால் சேர்க்க எளிதாக இருக்கும்.

தேவையானவை:

மைதா_3/4 கப்
பேகிங் சோடா_1/2 டீஸ்பூன்
உப்பு_1/2 டீஸ்பூன்
______  _  _  _  _________
வெண்ணெய்/Unsalted butter_1/2 கப்
ப்ரௌன் சுகர்/Brown sugar_3/4  கப் (ப்ரௌன் சுகர் கைவசம் இல்லாததால் raw cane sugar சேர்த்திருக்கிறேன்.)
____________  _  _  _  ___________
முட்டை_1
Pure vanilla extract_ஒரு டீஸ்பூன்
_________________  _  _  _   _____________________
ஓட்ஸ்_3 கப்
விருப்பமான நட்ஸ்/Nuts_ஒரு கை
விருப்பமான ட்ரை ஃப்ரூட்ஸ்/Dry fruits_ஒரு கை
சாக்லெட் சிப்ஸ்/Chocolate chips_ஒரு கை

நான் ஓட்ஸுடன் உலர் திராட்சையும்,’சாக்லெட் சிப்’பும் சேர்த்திருக்கிறேன்.
___________  _  _  _   ____________________

செய்முறை:

மைதா,பேகிங் சோடா,உப்பு மூன்றையும் ஒரு பௌளில் கொட்டி விஸ்க்கால் நன்றாகக் கலந்து தனியாக வைக்கவும்.

பயன்படுத்தும் பட்டர் அறை வெப்பநிலையில் இருக்கட்டும்.பட்டர் மென்மையாகும்வரை  நன்றாக விஸ்க்கால் கலக்கவும்.

பிறகு அதனுடன் சர்க்கரையை சேர்த்து நன்றாகக் குழையும்வரை கலக்கவும்.

அடுத்து இதனுடன் முட்டை,vanilla extract இரண்டையும் சேர்த்து ஸ்மூத்தாக வரும்வரை நன்றாகக் கலக்கவும்.

இவற்றுடன் மைதா கலவையைக் கொட்டிக் கலக்கவும்.

எல்லாம் நன்றாக,ஒன்றாக சேர்ந்த பிறகு ஓட்ஸ்,நட்ஸ்,ட்ரை ஃப்ரூட்ஸ் எல்லாவற்றையும் சேர்த்து விஸ்க்கால் கலக்கிவிட்டு ஒரு 1/2 மணி நேரம் மூடி வைக்கவும்.

ஓவனை 350 டிகிரிக்கு முற்சூடு செய்யவும்.

ஒருமுறை கலவையை கையாலேயே மென்மையாகப் பிசைந்துகொள்ளவும்

ஒரு baking sheet ல் parchment paperஐ  போட்டு 1/4 கப் அல்லது ஒரு குழிவான கரண்டி அல்லது ice cream scoop அல்லது கையாலேயே சிறுசிறு எலுமிச்சை அளவுக்கு எடுத்து படத்தில் உள்ளதுபோல் தனித்தனியாக வைத்து லேஸாகத் தட்டையாக்கி விடவும்.

oats cookie

பிறகு தட்டை ஓவனில் வைத்து சுமார் 10 லிருந்து 12 நிமிடங்கள் பேக் செய்யவும்.குக்கியைச் சுற்றிலும் லேஸான ப்ரௌன் நிறம் வரும்போது எடுத்து ஆறவிடவும்.

மீதியுள்ள கலவையை மீண்டும் இவ்வாறே செய்யவும்.சுமார் 20 குக்கிகள் வரை வரும்.

இப்போது நல்ல கரகர,மொறுமொறு ஓட்ஸ் குக்கிகள் தயார்.கண்ணாடி பாட்டிலில் எடுத்து வைத்துக்கொண்டால் தேவையானபோது சுவைக்கலாம்.

பீனட் பட்டர் & ஜெல்லி சாண்ட்விச்/Peanut butter&Jelly sandwich

sandwich

தேவையானவை:

ப்ரெட்/Bread_ஒரு நபருக்கு 2 துண்டுகள்/slices
பீனட் பட்டர்/Peanut butter_தேவைக்கு
ஸ்ட்ராபெர்ரி ஜாம்/Strawberry jam_தேவைக்கு

IMG_4799

Peanut butter ஐ செலக்ட் பண்ணும்போது க்ரீமியாக/creamy இல்லாமல் க்ரஞ்சியாக/crunchy தெரிவு செய்தால் சாப்பிடும்போது நன்றாக‌ இருக்கும்.உங்கள் விருப்பம்போல் எந்த ஜாமையும் பயன்படுத்திக்கொள்ளலாம்.

இதற்கு brown bread ஐவிட  white bread இன்னும் சுவையாக இருக்கும்.

செய்முறை:

இரண்டு ப்ரெட் துண்டுகளை எடுத்துக்கொண்டு ஒன்றில் பீனட் பட்டரையும், மற்றொன்றில் ஸ்ட்ராபெர்ரி ஜாமையும்,

sandwich

கீழே படத்திலுள்ளதுபோல் ப்ரெட் தூண்டுகளின் மேல் முழுவதும் தடவி விட்டு,

sandwich

இரண்டையும் ஒன்றன்மேல் ஒன்றாக வைத்து அழுத்திவிட்டு,

sandwich

ஒரு கத்தியின் உதவியால் முக்கோண வடிவில் நறுக்கவும்.

sandwich

இப்போது இனிப்புடன் கூடிய,சுவையான ப்ரெட் சாண்ட்விச் சாப்பிடத் தயார்.பிறகென்ன,எடுத்து சாப்பிட வேண்டியதுதான்.

sandwich

இது அவசர டிஃபனாகவும்,பிள்ளைகளுக்கு ஸ்கூல் லன்ச்சாகக் கொடுக்கவும் உதவும்.

இதனை ஃபாயிஷாவின்   Passion on plate giveaway event ற்கு அனுப்புகிறேன்.