பீன்ஸ் பொரியல்

 

தேவையான பொருள்கள்:
பீன்ஸ்(நறுக்கியது)_ 1 கப்
சின்ன வெங்காயம்_2
மிளகாய் தூள்_ 1 டீஸ்பூன்
மஞ்சள் தூள்_1/4டீஸ்பூன்
பாதி வெந்த துவரம் பருப்பு_ 1/2 கைப்பிடி
தேங்காய் பூ_ 1 டீஸ்பூன்
உப்பு_தேவையான அளவு

தாளிக்க:
கடுகு_1/4 டீஸ்பூன்
உளுந்து_1/4 டீஸ்பூன்
சீரகம்_ 1/4 டீஸ்பூன்
கடலை பருப்பு_1 டீஸ்பூன்
பெருங்காயம்_சிறிது
கறிவேப்பிலை_சிறிது
எண்ணெய்_தேவையான அளவு

செய்முறை:

முதலில் பீன்ஸை விரும்பிய வடிவத்தில் நறுக்கவும்.சின்ன வெங்காயத்தை அரிந்து வைக்கவும்.

வாணலியில் எண்ணெய் ஊற்றி சூடேற்றி கடுகு,உளுந்து,சீரகம்,கடலைப் பருப்பு,பெருங்காயம்,கறிவேப்பிலை இவற்றை ஒன்றன் பின் ஒன்றாக தாளித்து,பிறகு சின்ன வெங்காயம் வதக்கி அடுத்து பீன்ஸ் சேர்த்து வதக்கவும்.

அதனுடன் மிளகாய் தூள்,மஞ்சள் தூள்,உப்பு சேர்த்து பிரட்டி காய் வேகும் அளவு தண்ணீர் ஊற்றி மூடி போடாமல் வேகவிடவும். மூடி போட்டல் பச்சை நிறம் மாறிவிடும்.

நன்றாக வெந்த பிறகு துவரம் பருப்பைப் போட்டு பிரட்டவும்.தண்ணீர் சுண்டியதும் தேங்காய் பூ,கொத்துமல்லி தழை போட்டு இறக்கவும்.

Advertisements
வறுவல்/பொரியல் இல் பதிவிடப்பட்டது . குறிச்சொற்கள்: , , , . Leave a Comment »