புடலை,பீர்க்கை பொரியல்

 

தேவையான பொருள்கள்:
புடலை_பாதி
பீர்க்கை_பாதி
சின்ன வெங்காயம்_4
கடலை பருப்பு_1 டீஸ்பூன்
பச்சை பருப்பு_1 டீஸ்பூன்
தேங்காய்_ 1 துண்டு
உப்பு_தேவையான அளவு
தாளிக்க:
கடுகு_1/4 டீஸ்பூன்
உளுந்து_1/4 டீஸ்பூன்
சீரகம்_ 1/4 டீஸ்பூன்
பெருங்காயம்_சிறிது
காய்ந்த மிளகாய்_2
கறிவேப்பிலை_சிறிது
எண்ணெய்_தேவையான அளவு
செய்முறை:

கடலைப் பருப்பு,பாசிப்பருப்பு இரண்டையும் முக்கால் பதம் வேகவைத்து பிழிந்துகொள்ளவும்.வெங்காயத்தைப் பொடியாகவும்,புடலை,பீர்க்கை இரண்டையும் சிறு துண்டுகளாகவும் நறுக்கவும்.தேங்காய்,சீரகம்,காய்ந்த மிளகாய் இவற்றை ஒன்றாக அரைத்து வைக்கவும்.ஒரு வாணலியில் காய்த் துண்டுகளைப் போட்டு மிகவும் கொஞ்சமாக தண்ணீர் விட்டு வேக வைக்கவும். மூட வேண்டாம்.முக்கால் பாகம் வெந்ததும் வேகவைத்த பயறு சேர்த்துக் கிளறவும்.இரண்டும் சேர்ந்து வெந்த பிறகு அரைத்த விழுதைச் சேர்த்துக் கிளறவும்.இறுதியில் ஒரு வாணலில் எண்ணெய் ஊற்றிக் கடுகு, உளுந்து, பெருங்காயம்,கறிவேப்பிலை தாளித்து வெங்காயம் சேர்த்து வதக்கி கொட்டிக் கிளறி இறக்கவும்.

 

வறுவல்/பொரியல் இல் பதிவிடப்பட்டது . குறிச்சொற்கள்: , , , , , , . Leave a Comment »