ப்ரெட் சாண்(ட்)விச் / Bread Sandwich

ப்ரெட் சாண்விச்சை பல வகைகளில் தயார் செய்யலாம்.

ப்ரெட்டின் இடையில் வைக்கப்போகும் பொருள்களை அவரவர் விருப்பத்திற்கு ஏற்ப தெரிவு செய்துகொள்ளலாம். சாதாரணமாக நான் செய்வதை இங்கே கொடுத்திருக்கிறேன்.நீங்களும் முயற்சித்துப் பாருங்களேன்.

தேவையானவை:

ப்ரெட் துண்டுகள் _ ஒரு நபருக்கு 2 துண்டுகள் வீதம்
வெங்காயம் _ (பெரிய வெங்காயம் இல்லை என்பதால் சின்ன வெங்காயம் சேர்த்திருக்கிறேன்)
தக்காளி
வெள்ளரி பிஞ்சு
விருப்பமான சீஸ்
விருப்பமான ரான்ச்/Ranch_கொஞ்சம்
லெட்யூஸ்/Lettuce_கொஞ்சம்

செய்முறை:

வெங்காயம்,தக்காளி,வெள்ளரிப் பிஞ்சு இவற்றைக் கழுவித் துடைத்துவிட்டு, விருப்பமான அளவில் மெல்லிய வில்லைகளாக்கவும்.

லெட்யூஸ் இலைகளையும் நீரில் அலசிவிட்டு,ஈரம்போகத் துடைத்துவிட்டு நறுக்கிக்கொள்ளவும்.

இரண்டு ப்ரெட் துண்டுகளை டோஸ்ட்/toast  செய்து எடுத்துக்கொள்ளவும்.அல்லது அப்படியேகூட பயன்படுத்திக்கொள்ளலாம்.

கடையில் ப்ரெட் துண்டுகளின் அளவுக்கே ( Singles ) சீஸ் கிடைக்கிறது.அதில் ஒன்றை எடுத்து ஒரு ப்ரெட்டின்மேல் வைக்கவும்.சீஸ் விருப்பமில்லை எனில் விட்டுவிடலாம்.

படத்திலுள்ள சீஸ் சிறிய அளவிலானது.நான் அவற்றை மெல்லிய ஸ்லைஸ்களாக நறுக்கி வைத்திருக்கிறேன்.

லெட்யூஸை ப்ரெட்டின் மேல் வைக்கவும்.

அடுத்து தக்காளி ஸ்லைஸை வைக்கவும்.

அதேபோல் வெங்காய  ஸ்லைஸையும் வைக்கவும்.

அடுத்து வெள்ளரி பிஞ்சு ஸ்லைஸை வைத்து,

இறுதியாக ரான்ச்சையும் சிறிது ஊற்றி,

ப்ரெட் துண்டுகளை ஒன்றன்மேல் ஒன்று வைத்து லேஸாக‌ அழுத்தவும்.இப்போது சுவையான,சத்தான,ஃப்ரெஷ்ஷான வெஜ் சாண்ட்விச் சாப்பிடத் தயார்.

அப்படியே சாப்பிட்டால் உள்ளே உள்ளவை மேலேயும்,கீழேயும் வெளியில் வர வாய்ப்புள்ளது.எனவே ஒரு பேப்பர் டவலால் சுருட்டி வைத்துக்கொண்டு சாப்பிடலாம்.

பீனட் பட்டர் & ஜெல்லி சாண்ட்விச்/Peanut butter&Jelly sandwich

தேவையானவை:

ப்ரெட்/Bread_ஒரு நபருக்கு 2 துண்டுகள்/slices
பீனட் பட்டர்/Peanut butter_தேவைக்கு
ஸ்ட்ராபெர்ரி ஜாம்/Strawberry jam_தேவைக்கு

Peanut butter ஐ செலக்ட் பண்ணும்போது க்ரீமியாக/creamy இல்லாமல் க்ரஞ்சியாக/crunchy தெரிவு செய்தால் சாப்பிடும்போது நன்றாக‌ இருக்கும்.உங்கள் விருப்பம்போல் எந்த ஜாமையும் பயன்படுத்திக்கொள்ளலாம்.

இதற்கு brown bread ஐவிட  white bread இன்னும் சுவையாக இருக்கும்.

செய்முறை:

இரண்டு ப்ரெட் துண்டுகளை எடுத்துக்கொண்டு ஒன்றில் பீனட் பட்டரையும், மற்றொன்றில் ஸ்ட்ராபெர்ரி ஜாமையும்,

கீழே படத்திலுள்ளதுபோல் ப்ரெட் தூண்டுகளின் மேல் முழுவதும் தடவி விட்டு,

இரண்டையும் ஒன்றன்மேல் ஒன்றாக வைத்து அழுத்திவிட்டு,

ஒரு கத்தியின் உதவியால் முக்கோண வடிவில் நறுக்கவும்.

இப்போது இனிப்புடன் கூடிய,சுவையான ப்ரெட் சாண்ட்விச் சாப்பிடத் தயார்.பிறகென்ன,எடுத்து சாப்பிட வேண்டியதுதான்.

இது அவசர டிஃபனாகவும்,பிள்ளைகளுக்கு ஸ்கூல் லன்ச்சாகக் கொடுக்கவும் உதவும்.

இதனை ஃபாயிஷாவின்   Passion on plate giveaway event ற்கு அனுப்புகிறேன்.

ஃப்ரென்ச் டோஸ்ட்/French toast

ஃப்ரென்ச் டோஸ்ட்டை முட்டை,பால்,சர்க்கரை,சின்னமன் தூள் எல்லாம் சேர்த்து செய்தால் நன்றாக (சிறு பிள்ளைகளுக்கு) இருக்கும்.இங்குள்ள பதிவில் மிளகுத்தூள் சேர்த்து செய்துள்ளேன்.கொஞ்சம் காரமாக ஆனால் நன்றாக இருக்கும்.

தேவையானவை:

ப்ரெட் துண்டுகள்_3
முட்டை_2
பால்_2 டீஸ்பூன்
மஞ்சள்தூள்_சிறிது
மிளகுத்தூள்_கொஞ்சம்
உப்பு_தேவைக்கு
ஆலிவ் ஆயில்_கொஞ்சம்

ஒரு அகலமான கிண்ணத்தில் முட்டையை உடைத்து ஊற்றி அதனுடன் மற்ற பொருள்கள் எல்லாவற்றையும் சேர்த்து whisk  ஆல் நன்றாக அடித்துக்கொள்ளவும்.

ப்ரெட் துண்டுகளை முழு அளவிலோ அல்லது விருப்பமான வடிவங்களிலோ துண்டுகள் போடவும்.பிறகு அவற்றின் இரு பக்கங்களிலும் சிறிது ஆலிவ் ஆயில் தடவி வைக்கவும்.

தோசைக்கல் அல்லது நான்ஸ்டிக் பேனை அடுப்பிலேற்றி சூடானதும் அதில்  ப்ரெட் துண்டுகளை வைத்து  அதன்மேல் முட்டைக் கலவையை ஒரு ஸ்பூனால் எல்லா இடங்களிலும் படுமாறு ஊற்றி விடவும்.

ப்ரெட்டைத் திருப்பிவிட்டு அடுத்தப் பக்கத்திலும் மீண்டும் மேலே சொன்னதுபோல் முட்டைக் கலவையை விடவும்.

ப்ரெட்டின் இரண்டு பக்கங்களும் சிவந்ததும் எடுத்துவிடவும்.சமயங்களில் ப்ரெட்டின் உள்ளே உள்ள முட்டைக் கலவை வேகாமல்கூட இருக்கலாம்.எனவே தோசைத்திருப்பியால் லேஸாக அழுத்திவிட்டு வேகவிடவும்.

ப்ரெட் துண்டுகளை அப்படியே முட்டைக் கலவையில் தோய்த்தெடுத்தும் டோஸ்ட் செய்யலாம்.சாப்பிட கொஞ்சம் ஹெவியாக இருக்கும்.

   

இது மாலைநேர சிற்றுண்டிக்கும்,பிள்ளைகளின் (நமக்குத்தான் ஆறினால் பிடிக்காதே) லன்ச் பாக்ஸிற்கும் பொருத்தமாக இருக்கும்.