முழு பச்சைப் பருப்பு குருமா

 

தேவையானப் பொருள்கள்:

முழு பச்சைப் பருப்பு _  ஒரு  கப்
சின்ன வெங்காயம் _5 லிருந்து 10
தக்காளி _பாதி
மஞ்சள் தூள்_1/2 டீஸ்பூன்
மிளகாய்த் தூள்_2 டீஸ்பூன்
இஞ்சி_ஒரு சிறு துண்டு
பூண்டு_2 பற்கள்
தேங்காய் கீற்று_2
உப்பு_தேவையான அளவு
எலுமிச்சை சாறு_ஒரு டீஸ்பூன்
கொத்துமல்லி இலை_ஒரு கொத்து

தாளிக்க:

நல்லெண்ணெய்_ஒரு டீஸ்பூன்
சீரகம்
பெருஞ்சீரகம்
பிரிஞ்சி இலை_1

செய்முறை:

முழு பச்சைப் பயறை சுண்டலுக்கு அவிப்பது போல் வேக வை.குழைய வேக வைக்க வேண்டாம்.ஊறிய(அ)முளை கட்டிய பயறு என்றால் வேக வைக்க வேண்டாம்.

வெங்காயம்,தக்காளி பொடியாக நறுக்கி வை.இஞ்சி,பூண்டு தட்டி வை.தேங்காய் அரைத்துக்கொள்.ஒரு கடாயை அடுப்பில் வைத்து சூடானவுடன் எண்ணெய் விட்டு தாளிக்கக் கொடுத்துள்ளப் பொருள்களை ஒன்றன்பின் ஒன்றாகத் தாளித்து, வெங்காயம் சேர்த்து வதக்கு.அடுத்து இஞ்சி,பூண்டு சேர்த்து வதக்கு.அடுத்து தக்காளி சேர்த்து வதக்கி,பயறைக் கொட்டிக் கிளறி,மஞ்சள் தூள்,மிளகாய்த்தூள்,உப்பு சேர்த்துக் கிளறி கொஞ்சம் தண்ணீர் ஊற்றி வேக வை.பயறு,மசாலா எல்லாம் ஒன்றாகக் கலந்து வெந்த பிறகு தேங்காய் விழுதை சேர்த்து ஒரு கொதி வந்ததும் எலுமிச்சை சாறு விட்டு,கொத்துமல்லி தூவி இறக்கு.

இது சப்பாத்தி,பரோட்டா,நாண்,இட்லி,தோசை இவற்றிற்கு நன்றாக இருக்கும்.

Advertisements

பாவ் பாஜி

 

தேவையான பொருள்கள்:

பாவ் ப்ரெட்_ 1 பாக்கெட் (சுமார் 9)
உருளைக் கிழங்கு_1
பச்சை பட்டாணி_ 1/2 கப்
கேரட்_பாதி
பெரிய வெங்காயம்_1
தக்காளி_ 1
பச்சை மிளகாய்_1
இஞ்சி_ஒரு சிறிய துண்டு
பூண்டு_ 3 பற்கள்
பெருங்காயம்_ ஒரு துளி
கொத்துமல்லி இலை_ 1/4 கட்டு
சீரகம்_ 1/2 டீஸ்பூன்
பெருஞ்சீரகம்_ 1/2 டீஸ்பூன்
மிளகாய் தூள்_ 2 டீஸ்பூன்
உப்பு_தேவையான அளவு
பட்டர்_ஒரு சிறிய துண்டு
எலுமிச்சை_பாதி

பாவ் ப்ரெட் எல்லா இந்தியன் கடைகளிலும் கிடைக்கும்.அல்லது Hamburger (or) hotdog bun  பயன்படுத்தலாம்

மசாலா செய்முறை:

உருளை,பச்சை பட்டாணி,கேரட் அல்லது விருப்பமான காய்களை நன்றாக வேக வைத்துக்கொள்ளவும். வெங்காயம், தக்காளி,பச்சை மிளகாய் இவற்றைப் பொடியாக நறுக்கிக் கொள்ளவும்.இஞ்சி,பூண்டை தட்டி வைக்கவும்.

வெறும் வாணலியை அடுப்பில் வைத்து சீரகம்,பெருஞ்சீரகம் லேசாக வறுத்து பொடித்து வைக்கவும்.அதே வாணலியில் சிறிது பட்டர் போட்டு வெங்காயம் வதக்கவும்.பிறகு இஞ்சி,பூண்டு பேஸ்ட்,பச்சை மிளகாய் வதக்கவும்.பிறகு தக்காளி வதக்கி அத்துடன் மிளகாய் தூள்,பெருங்காயம்,உப்பு சேர்த்து கிளறி தேவையான தண்ணீர் ஊற்றவும்.(மசாலா தீய்ந்து பொகாமல் இருப்பதற்கு).ஒரு கொதி வந்ததும் காய்கறிகளை நன்றாக பிசைந்து சேர்த்து கிளறவும். காய்கள் குழைந்து வெந்து இருக்க வேண்டும்.பிறகு சீரகம் & பெருஞ்சீரகப் பொடியைப் போட்டு கிளறி கொத்துமல்லி இலை தூவி எலுமிச்சை சாறு விட்டு இறக்கவும்.

 

ஒரு தோசைக் கல்லில் சிறிது பட்டர் விட்டு பாவ் பாஜி பன்னை இரண்டாகப் பிளந்து டோஸ்ட் செய்து  எடுத்து விட்டு,அதே கல்லில் மசாலாவைப் போட்டு சூடாக்கி வெங்காயம் கலந்து பன்னின் ஒரு பாகத்தில் வைத்து மறு பாகத்தை மேல் வைத்து சாப்பிடலாம்.

சன்னா மசாலா

 

தேவையான பொருள்கள்:

1. கொண்டைக் கடலை-  1 கப் (கறுப்பு அல்லது வெள்ளை)
2.சின்ன வெங்காயம்-10
3.நன்கு பழுத்த தக்காளி-2
4.இஞ்சி- சிறு துண்டு
5.பூண்டு- 3 பற்கள்
6.மிளகாய் தூள்-2 ஸ்பூன்
7.மஞ்சள் தூள்- 1/2 சிட்டிகை
8.சீரகம்-  1/2 ஸ்பூன்
9.பெருஞ்சீரகம்-  1/4 ஸ்பூன்
10.கொத்துமல்லி தழை- 1 கொத்து
11.உப்பு-தேவையான அளவு
12.எண்ணெய்- 3 ஸ்பூன்

தாளிக்க:

1.கிராம்பு- 1
2.பிரிஞ்சி இலை-1

செய்முறை:

கொண்டைக் கடலையை முதல் நாள் இரவே ஊற வைத்து விட வேண்டும்.மறுநாள் கழுவி நீரை வடித்துவிட்டு  தேவையான அளவு நீர்,உப்பு சேர்த்து வேக வைக்க வேண்டும். வெங்காயம்,தக்காளி,இஞ்சி,பூண்டு இவற்றை பொடியாக நறுக்கவும்.

ஒரு வாணலியில்  2 ஸ்பூன் எண்ணெய் ஊற்றி சீரகம்,பெருஞ்சீரகம் தாளித்து முதலில் வெங்காயம்,பிறகு இஞ்சி,பூண்டு போட்டு வதக்கவும்.அடுத்து தக்காளி சேர்த்து கிளறிவிட்டு அதனுடன் மிளகாய் தூள்,மஞ்சள் தூள்,உப்பு சேர்த்து ந்ன்றாக வதக்கவும்.பிறகு  இறக்கி வைத்து ஆறியதும் மிக்ஸியில் போட்டு சிறிது நீர் சேர்த்து அரைக்கவும்.
பிறகு ஒரு பாத்திரத்தில் மீதமுள்ள எண்ணெய் விட்டு கிராம்பு,பிரிஞ்சி  இலை தாளித்து அரைத்து வைத்துள்ள பொருள்களை ஊற்றி கொதிக்கவிடவும்.ஒரு கொதி வந்ததும் வேகவைத்த கொண்டைக் கடலையை சேர்க்கவும்.கடலை , மசாலாவுடன் நன்றாகக் கலந்து கொதித்ததும் கொத்துமல்லி தழை தூவி இறக்கவும். இதை சப்பாத்தி,நாண்,பரோட்டாவுக்கு பக்க உண்வாகப் பயன்படுத்தலாம்.

குறிப்பு:

மசாலா வாசனைப் பிடித்தவர்கள் தாளிக்கும்போது சிறிது அதிகமாகவே மசாலா பொருள்களைப் பயன்படுத்தலாம்.

குருமா வகைகள் இல் பதிவிடப்பட்டது . குறிச்சொற்கள்: , , , . 2 Comments »