வாழைக்காய் பொரியல்

தேவையானப்பொருள்கள்:

வாழைக்காய்_1
சின்ன வெங்காயம்_2
பூண்டு_2 பல்
மஞ்சள்தூள்_சிறிது
மிளகாய்த்தூள்_ஒன்றரை டீஸ்பூன்
கொத்துமல்லி இலை_ஒரு கொத்து
உப்பு_தேவைக்கு

தாளிக்க:

நல்லெண்ணெய்_ஒரு டீஸ்பூன்
சீரகம்
பெருஞ்சீரகம்
பெருங்காயம்
கறிவேப்பிலை

செய்முறை:

வாழைக்காயின் தோலை சீவிவிட்டு சற்று பெரியத் துண்டுகளாக நறுக்கிக்கொள்ளவும்.

வெங்காயத்தைப் பொடியாகவும்,பூண்டைத் தட்டியும் வைத்துக்கொள்ளவும்.

ஒரு கடாயை அடுப்பில் ஏற்றி எண்ணெய் விட்டு சூடேறியதும் தாளிக்கக் கொடுத்துள்ளப் பொருள்களை ஒன்றன்பின் ஒன்றாகத் தாளித்துவிட்டு வெங்காயம்,பூண்டு சேர்த்து வதக்கவும்.

அடுத்து வாழைக்காயைச் சேர்த்து வதக்கி மஞ்சள்தூள்,மிளகாய்த்தூள்,உப்பு சேர்த்து பிரட்டி விட்டு காய் மூழ்கும் அளவு தண்ணீர் விட்டு மூடி வேக வைக்கவும்.

தீ மிதமாக இருக்கட்டும்.இடையிடையே திறந்து கிண்டிவிடவும்.

காய் வெந்து,தண்ணீர் முழுவதும் சுண்டியபிறகு  கிளறிவிட்டு கொத்துமல்லி தூவி இறக்கவும்.

இது எல்லா வகையான சாதத்திற்கும் பொருத்தமாக இருக்கும்.