வெஜிடபிள் பிரியானி/ Vegetable briyani

தேவையானப் பொருள்கள்:

பாசுமதி அரிசி_2 கப்
விருப்பமான காய்கள்_2 கப் (நறுக்கியது)
(இதில் நான் சேர்த்திருப்பது கேரட்,பீன்ஸ்,பச்சைப் பட்டாணி,டோஃபு_1/3 பாகம் (விருப்பமானால்),வெங்காயத் தாள் முதலியவை.)
பெரிய சிவப்பு வெங்காயம்_பாதி
இஞ்சி_ஒரு துண்டு
பூண்டு_3 பற்கள்
மிளகாய்த் தூள்_2 டீஸ்பூன்
உப்பு_தேவைக்கு
தேங்காய்_1/4 மூடி
தயிர்_2 டீஸ்பூன்
எலுமிச்சை சாறு_2 டீஸ்பூன்
கொத்துமல்லி இலை_2 கொத்து
புதினா_2 கொத்து

அரைக்க:

சின்ன வெங்காயம்_5 லிருந்து 7
தக்காளி_1
பச்சை மிளகாய்_1(காரம் விரும்பினால்)

தாளிக்க:

நெய்(அ)விருப்பமான எண்ணெய்_2 டீஸ்பூன்
கிராம்பு_3
பிரிஞ்சி இலை_2
சீரகம்_1/2 டீஸ்பூன்
பெருஞ்சீரகம்_1/2 டீஸ்பூன்
முந்திரி_10
ஏலக்காய்_1

செய்முறை:

பிரியானி தயார் செய்வதற்கு 1/2 மணி நேரம் முன்னதாக அரிசியைத் தண்ணீரில் ஒரு 10 நிமிடத்திற்கு ஊற வைக்கவும். பிறகு தண்ணீரை வடித்து விடவும்.ஒரு வாணலியில் ஒரு டீஸ்பூன் அளவிற்கு நெய் ஊற்றி சூடேறியதும் அரிசியைப் போட்டு வதக்க வேண்டும்.அது நிறம் மாறும் சமயம் அடுப்பை நிறுத்தி விடவும்.(இந்த வேலையை பிரியானி செய்யும் போதுதான் செய்ய வேண்டுமென்பதில்லை.முதல் நாளே கூட நேரம் கிடைக்கும் போது தயார் செய்துகொள்ளலாம்.) அரிசி சூடு ஆறியதும் சமைக்கப் போகும் எலக்ட்ரிக் குக்கரில் கொட்டி வைக்கவும்.

பச்சைப் பட்டானியை முதல் நாளே ஊற வைத்துக்கொள்ளவும்.தேங்காயைத் துருவி மிக்ஸியில் அரைத்து பால் எடுத்துக்கொள்ளவும். காய்களை விருப்பமான வடிவத்தில் நறுக்கி வைக்கவும்.வெங்காயத்தை நீள வாக்கில் நறுக்கி வைக்கவும்.இஞ்சி,பூண்டு தட்டி வைக்கவும்.

அரைக்கக் கொடுத்துள்ளவற்றை அரைத்து எடுத்துக்கொள்ளவும்.மைய அரைக்க வேண்டுமென்பதில்லை.

Tofu வை  fry செய்யும் விதம்:

Tofu வில் 1/3 பங்கை தண்ணீர் வடிய வைத்துவிட்டு சிறுசிறு சதுரங்களாக நறுக்கி வைக்கவும்.ஒரு நான்ஸ்டிக் பேனில் சிறிது ஆலிவ் ஆயில் ஊற்றி சூடேறியதும் டோஃபுவைப் போட்டு சொடசொடப்பு அடங்கியதும் மிள்காய்த்தூள்,உப்பு தூவி சிறிது நேரம் மூடி வைக்கவும்.இவை நன்றாகக் கலந்து மிளகாய்த் தூள் வாசனை போனதும் அடுப்பை நிறுத்தி விடவும்.

ஒரு கடாயில் நெய் எடுத்துக் கொண்டு சூடேறியதும் தாளிக்கக் கொடுத்துள்ளவற்றை ஒன்றன் பின் ஒன்றாகத் தாளித்த பிறகு வெங்காயம், இஞ்சிபூண்டு,காய்கள் இவற்றை அடுத்தடுத்து சேர்த்து வதக்கவும்.நன்றாக வதங்கியதும் அரைத்து வைத்துள்ள வெங்காயம்,தக்காளி கலவையை சேர்த்து வதக்கவும்.அடுத்து மிளகாய்த் தூள்,உப்பு சேர்த்து வதக்கி ஒன்றுக்கு இரண்டு என தண்ணீர் (தேங்காய்ப் பாலையும் சேர்த்து) ஊற்றி மூடி கொதிக்க விடவும்.கொதி வந்ததும் கடாயில் உள்ளவற்றை அப்படியே எடுத்து குக்கரில் கொட்டி,தயிர் சேர்த்துக் கிளறி புதினா,கொத்துமல்லி ,(விருப்பமானால்  tofu  வையும்) தூவி மூடி  switch on  செய்யவும்.

ஒரு பத்து நிமிடடம் கழித்து    switch off   செய்துவிட்டு எலுமிச்சை சாறு சேர்த்து ஒருமுறை கீழிருந்து மேலாக‌ லேசாகக் கிளறிவிட்டு மூடி மீண்டும்  switch on செய்யவும்.அப்போதுதான் அடியில் ஒரு லேயர் மாதிரி படியாமல் இருக்கும்.அதன் பிறகு ஒரு 5 லிருந்து 10 நிமிடத்தில் குக்கர்   warm mode   க்கு சென்றுவிடும்.பிறகென்ன!சுவையான வெஜிடபிள் பிரியானியை எடுத்து சாப்பிட வேண்டியதுதான்.

இதனை வெங்காயம் தயிர் பச்சடியுடன் சாப்பிட சுவையாக இருக்கும்.

காய்கறி சாதம் (Vegetable fried rice)

தேவையானவை:

பாசுமதி அரிசி_2 கப்
காய்கறி_2 கப் நறுக்கியது (விருப்பமான காய்கறிகள்)
(கேரட்,பீன்ஸ்,பச்சைப் பட்டானி,பச்சை குட மிளகாய்,சிவப்பு குட மிளகாய்)
சின்ன வெங்காயம்_5
இஞ்சி_ஒரு சிறிய துண்டு
பூண்டு_3 பற்கள்
பச்சை மிளகாய்_1
தக்காளி_கால் பாகம்(விருப்பமானால்)
மிளகாய்த் தூள்_1 டீஸ்பூன்
மஞ்சள் தூள்_1/2 டீஸ்பூன்
உப்பு_தேவையான அளவு
எலுமிச்சை சாறு_1 டீஸ்பூன்
தேங்காய்ப்பால்_1 டேபிள்ஸ்பூன்
கொத்துமல்லி இலை_1 கொத்து

தாளிக்க:

ஆலிவ் ஆயில் (அ) நல்லெண்ணெய்_2 டீஸ்பூன்
சீரகம்
பெருஞ்சீரகம்
முந்திரி_5
உலர் திராட்சை_10

செய்முறை:

முதலில் அரிசியை முக்கால் பதத்திற்கு சிறிது உப்பு போட்டு வேக வைத்து வடித்து ஆற வைக்கவும்.சாதம் உதிர் உதிராக இருக்கட்டும்.காய்கறிகளை விருப்பமான வடிவத்தில் நறுக்கிக்கொள்ளவும்.பச்சைப் பட்டானியை (1/2 கைப்பிடி)முதல் நாளிரவே ஊற வைத்து விடவும்.வெங்காயம்,தக்காளியைப் பொடியாக நறுக்கி வைக்கவும்.இஞ்சி,பூண்டைத் தட்டி வைக்கவும்.

ஒரு கடாயில் எண்ணெய் ஊற்றி சூடேற்றவும்.அதில் தாளிக்க உள்ளப் பொருள்களைத் தாளித்து வெங்காயம்,பச்சை மிளகாய் சேர்த்து வதக்கவும். அடுத்து இஞ்சி,பூண்டு சேர்த்து வதக்கவும்.அடுத்து காய்கறிகளைச் சேர்த்து வதக்கவும்.மேலும் த‌க்காளியைச் சேர்த்து வதக்கவும்.இவை நன்றாக வதங்கியதும் மிளகாய்த்தூள்,மஞ்சள் தூள்,உப்பு சேர்த்து வத்க்கி தேங்காய்ப் பால் சேர்த்துக் கிளறி மேலும் காய்கறிகள் வேக சிறிது தண்னீர் தெளித்து மூடி மிதமானத் தீயில் வேக விடவும்.எல்லாம் ஒன்றாகக் கலந்து வெந்த பிறகு சாதத்தைக் கொட்டிக் கிளறி சிறிது நேரம் மூடி வைக்கவும்.சாதம் காய்கறி மசாலாவுடன் நன்றாகக் கலந்த பிறகு எலுமிச்சை சாறு கலந்து,கொத்துமல்லி தூவி இறக்கவும்.

இந்த சாதத்திற்கு எல்லா வறுவலும் நன்றாகப் பொருந்தும்.வெங்காயப் பச்சடியும் சூப்பர் காம்பினேஷன்.

காய்கறி கட்லட்

 

 

தேவை:

உருளைக் கிழங்கு_2
வாழைக்காய்_1/4 பாகம்
கேரட்_பாதி
பீன்ஸ்_5
காலிஃப்ளவர்_1 துண்டு
பச்சைப் பட்டாணி_1/4 கப்
இஞ்சி_ஒரு சிறிய துண்டு
பூண்டு_1 பற்கள்
சின்ன வெங்காயம்_1
பச்சை மிளகாய்_1
மஞ்சள் தூள்_1 பின்ச்
மிளகாய்த்தூள்_1 டீஸ்பூன்
கொத்துமல்லி இலை_1 கொத்து
எலுமிச்சை_பாதி
ப்ரெட் க்ரம்ஸ்(  bread crumbs)_2 டேபிள்ஸ்பூன்
முட்டை_2 (அ) மைதா_2 டேபிள்ஸ்பூன்
சீரகம்_1/4 டீஸ்பூன்
முந்திரி_5
எண்ணெய்_பொரிக்கத்தேவையான அளவு

செய்முறை:

காய்கறிகளை நன்றாக வேக வைக்கவும்.வெந்ததும் உருளை,வாழைக்காய் இவற்றை கேரட் துருவியில் துருவி வைத்துக்கொள்ளவும்.ஏனையவற்றை நன்றாக மசித்துக்கொள்ளவும்.வெங்காயம்,பச்சை மிளகாய் பொடியாக நறுக்கவும்.இஞ்சி,பூண்டு தட்டி வைக்கவும்.
ஒரு வாணலியில் சிறிது எண்ணெய் ஊற்றி காய்ந்ததும் சீரகம்,முந்திரி தாளித்து முதலில் வெங்காயம்,பச்சை மிளகாய் போட்டு வதக்கவும்.பிறகு இஞ்சி,பூண்டு சேர்த்து வதக்கவும்.அதனுடன் மிளகாய்த்தூள்,மஞ்சள் தூள் சேர்த்து வதக்கவும்.மிதமான தீயில் கருகாமல் வதக்கவும்.தண்ணீர் ஊற்றக் கூடாது.பிறகு மசித்து வைத்துள்ள காய்கறி,உப்பு சேர்த்து வதக்கவும்.அடுத்து  வாழை,உருளைத் துருவளை சேர்த்து தீயை அணைத்து விடவும்.கடைசியில் எலுமிச்சை சாறு பிழிந்து கொத்துமல்லி தூவி இறக்கவும்.கலவையில் நீர் இருக்கக் கூடாது.

கலவை ஆறியதும் அதிலிருந்து ஒரு உருண்டை அளவிற்கு எடுத்து உள்ளங்கையில் வைத்து வடை போல் தட்டவும்.அல்லது விருப்பமான வடிவத்தில் தட்டிக்கொள்ளலாம்.இதுபோல் எல்லாவற்றையும் செய்து வைத்துக்கொள்ளவும்.

அடுத்து முட்டையின் வெள்ளைக்கருவை மட்டும் எடுத்துக்கொண்டு நன்றாக அடித்து கலக்கி வைக்கவும்.அல்லது மைதாவைப் பயன்படுத்துவதாக இருந்தால் மைதா மாவில் கொஞ்சம் தண்ணீர் விட்டு தோசை மாவு பதத்திற்கு கரைத்து வைத்துக்கொள்ளவும்.பக்கத்தில் ப்ரெட் தூளையும் வைத்துக்கொள்ளவும்.ஒரு கட்லட்டை எடுத்து முட்டையில் அல்லது மைதாவில் தோய்த்து உடனே ப்ரெட் தூளில் முழுவதும் புரட்டி வைக்கவும்.இதுபோலவே எல்லவற்றையும் செய்து வைத்துக்கொள்ளவும்.

பொரிப்பதற்கு முன்னால்:

ஒரு வாணலியில் பொரிப்பதற்குத் தேவையான‌ எண்ணெய் ஊற்றிக் காய்ந்ததும் ஒவ்வொன்றாகப் போட்டு ஒரு பக்கம் சிவந்ததும் மறு பக்கம் திருப்பிவிட்டு வெந்ததும் எடுத்துவிடவும்.

இதனை (ketchup) உடன் சாப்பிட நன்றாக இருக்கும்.

சிற்றுண்டி வகைகள் இல் பதிவிடப்பட்டது . குறிச்சொற்கள்: , , , , . Leave a Comment »